Дали e-mail outreach е сезонски? Заклучоци од 5-годишната студија на Hunter.io

Едно од најчестите прашања во дигиталниот маркетинг и продажбата е: „Дали вреди да испраќаме студени е-пораки (cold outreach) за време на празниците или во лето?“

За да даде прецизен одговор, тимот на Hunter.io во нивната опсежна анализа обработи податоци од 14.500 испраќачи и над 86.000 месечни кампањи во периодот од 2021 до 2025 година (вклучувајќи продажни тимови, маркетинг агенции, регрутери и PR експерти).

Заклучокот? Сезонско влијание постои, но тоа е многу помало отколку што мислат повеќето компании — а најголемиот проблем е што повеќето маркетари доцнат цел еден месец со своите активности.

1. Пазарот во Америка vs. Европа (EMEA)

Податоците на Hunter.io покажаа јасни разлики во зависност од географскиот регион на кој целете:

• Северна и Јужна Америка: Најдобриот прозорец за испраќање е од средината на септември до крајот на октомври. Во октомври, стапката на одговори (reply rate) е во просек за околу 8% повисока од вообичаениот просек. Спротивно на тоа, ноември и декември забележуваат пад од околу 5%.

• Европа, Блискиот Исток и Африка (EMEA): За разликува од Америка, во Европа не постои статистички сигурен „добар“ или „лош“ месец. Дури и добро познатиот мит дека „во август сите се на одмор и никој не одговара“ не се покажа како конзистентен во податоците од изминатите 5 години.

2. Најчестата грешка: Испраќање со еден месец задоцнување

Еден од најинтересните наоди во студијата е разминувањето помеѓу волуменот на испратени е-пораки и стапката на одговор:

• Стапките на одговор го достигнуваат пикот од доцен септември до првата недела од ноември.

• Волуменот на испратени е-пораки го достигнува пикот дури во средината на ноември — точно кога стапката на одговор драстично опаѓа.

Со други зборови, кога компаниите Конечно се организираат за есенскиот бран, подобриот бизнис прозорец е веќе затворен.

Слична аномалија се случува и во јануари: првите две недели од годината имаат значително помал волумен на пораки, додека луѓето веќе се вратени на своите бироа и имаат попразни е-сандачиња.

3. Како да ги искористите силните и слабите месеци?

Што да правите пред силните месеци (Септември – Октомври)?

Подготовката мора да започне барем 3-4 недели однапред.

1. Загрејте ги домените: Доколку купувате нови домени или е-пошта адреси за cold outreach, потребни им се недели за warmup за да зачуваат добра репутација.

2. Верификувајте ги листите: Испраќањето на поголем волумен кон неверификувани е-маил адреси во октомври ќе доведе до зголемен bounce rate и оштетување на доменот.

Што да правите во „послабите“ месеци (Ноември – Декември)?

Падот на одговори во декември е околу 10%, што значи дека луѓето сè уште ги читаат пораките, но имаат поинаков фокус.

• Без агресивна продажба: Испратете бесплатни ресурси, корисни анализи или кратки пораки кои имаат за цел да градат однос.

• Закажувајте за Q1: Понудете брз разговор во јануари наместо да форсирате состанок пред празниците.

Заклучок за Omtek тимовите

Календарот и сезоната можат да ви донесат предност од плус 8% до 10%, но квалитетот на вашата е-маил листа, релевантноста на понудата и техничката поставеност на доменот се фактори кои вредат многу повеќе од самиот датум.

За повеќе информации и технички детали од истражувањето, прочитајте ја целосната анализа на Hunter.io.