Meeting facilitator: Кој го претвора состанокот во продуктивна дискусија?

Не секој состанок има потреба од facilitator. Но кога темата е комплексна, има повеќе засегнати страни или треба да се донесе важна одлука, добриот facilitator може значително да го промени исходот. (facilitator.com)

Meeting facilitator е личност која го води процесот на состанокот, но не мора да биде експерт за темата. Неговата задача е да создаде услови учесниците да можат ефикасно да разговараат, да ги слушнат различните перспективи и да стигнат до конкретен резултат. (facilitator.com)

Што прави facilitator-от?

Неговата работа започнува пред состанокот – со дефинирање на целта, агендата и потребните учесници.

За време на состанокот, facilitator-от:

• ја одржува дискусијата фокусирана;

• обезбедува сите релевантни гласови да бидат слушнати;

• спречува дискусијата да биде доминирана од поединци;

• поставува прашања и користи техники за поттикнување на идеи;

• управува со времето;

• помага конфликтите да станат конструктивни;

• го насочува тимот кон одлука или конкретен исход.

По состанокот, важно е договореното да се претвори во јасни следни чекори, одговорности и рокови.

Facilitator ≠ лидер

Една од најважните разлики е што facilitator-от не треба да биде личноста која ја носи одлуката.

Неговата улога е да го подобри процесот, а не да го диктира исходот.

Токму затоа facilitator може да биде особено корисен кога во истата просторија има различни интереси, хиерархиски нивоа или спротивставени ставови.

Од состанок до резултат

Добриот состанок не се мери според тоа колку долго траел или колку луѓе зборувале.

Се мери според тоа дали на крајот сите знаат:

Што одлучивме?
Кој што прави?
Кој е следниот чекор?

Кога состаноците постојано завршуваат со „ќе се договориме дополнително“, можеби не ви треба уште еден состанок.

Можеби ви треба facilitator.

Извор: Facilitator.com – What Is a Meeting Facilitator?