Perform Europe ја претстави платформата за поврзување – водич за наоѓање партнери за соработка

анизации, колективи, фестивали, простори и резиденции од 41 земја. Корисниците можат да креираат свој профил, да ги претстават своите дела и потреби, да пребаруваат релевантни партнери и директно да воспостават комуникација преку самата платформа.

Алатката е наменета за професионалци и организации од областа на театарот, танцот, изведбата, циркусот, уличните уметности и куклениот театар, со седиште во земјите кои учествуваат во програмата „Креативна Европа“. Важно е да се напомене дека живата музика и операта не се елигибилни за учество преку оваа платформа.

Како функционира платформата?

Процесот е едноставен и се состои од неколку чекори:

1. Креирање сметка – преку веб-страницата на Perform Europe, корисниците изработуваат профил со кратка биографија, опис на понудата (дела или можности за презентација) и потребите за соработка.

2. Преглед и одобрување – профилот се прегледува од тимот на Perform Europe (процесот трае до пет работни дена), по што се добива пристап до платформата.

3. Пребарување и поврзување – откако ќе добијат пристап, корисниците можат да испраќаат барања за „Брзо поврзување“ (Quick Match) до потенцијални партнери. Доколку другата страна ја прифати поканата, двете страни добиваат увид во контакт податоците и можат да започнат комуникација.

Наоѓање партнери за Отворениот повик на Perform Europe

Една од клучните намени на платформата е поврзување на партнери кои планираат заеднички да аплицираат на Отворениот повик на Perform Europe. За да се олесни ова пребарување, платформата воведе ознака за соработка (collaboration badge) која ги истакнува профилите отворени за партнерство во рамки на тековниот Отворен повик.

Корисниците можат да го филтрираат пребарувањето со опцијата „Прикажи профили достапни за соработка за Отворениот повик на Perform Europe“ или едноставно да ја бараат ознаката до секој профил. Доколку веќе имаат сметка, можат да ја активираат оваа опција во поставките на профилот, под општите поставки, со штиклирање на полето „Отворени за соработки за учество на тековниот Отворен повик на Perform Europe“.

Сите заинтересирани се поканети да креираат профил, да се поврзат со партнери, да аплицираат на Отворениот повик и заедно да ја реосмислат меѓународната турнеја во сценските уметности.

За целосниот водич и дополнителни информации, посетете ја официјалната страница: https://performeurope.eu/perform-europes-matchmaking-tool-a-guide-to-finding-potential-partners-for-collaboration/